Das 12. Türchen öffnet sich heute am 3. Adventssonntag. Heute mit fränkischen Gedanken zum Sonntags-Kirchgang.
***
Sunndoch-Früh im Bedd …
Da kannsd mich a`schaua wie Du magsd, aber a Sunndoach ohne Kerch früh:
- … des is bequem,
- … sehr angenehm,
- … kannsd lang ausschlafn,
- … nachher draußn a wenig lafn,
- … dann was Gscheids zu essn
- … und den Kaffee ned vergessn!
Sou g´fällds Dir – und des schdädd Dir a zu.
***
Aber es fähld scho was, wennsdes genau bedengsd:
- … ruhig, hihoggn und a wenig siniern,
- … zuhorgn, midsinga, medidiern,
- … ans große Ganze, ans Endliche deng´n,
- … an die Leud um Dich rum Gedangn verschwendn,
- … denen gähd´s auch sou und die nigg´n Dir zu,
- … des gibd dem Sunndoch die wärgliche Ruh!
Aber – lass Dir nix einräidn, Du wäsd es selbst am besdn, Du kannsds ja amoul brobiern und desdn!
Wennsd die Gloggn härsd, dengsd Dir derbei, die ladn zwoar ei, geh aber selber nei!
Willsd an Bremium-Soundoch erschder Glasse erlebn, sollerschd Dich aufraffn und eefach selber hingehn!
Denn a Sunndoch mit Kerch verdreibd des Wergdags-Gwerch!
***
von Hans Meyer, Scheinfeld
***
Titelfoto: „Konfirmandenausflug 2021“